 |
Isuk-isuk abah geus diuk di sisi balong teras imah na bari ngalamun, duka naon nu keur diemutan. Dimeja aya kopi jeung gorengan teu dicabak cabak acan teupikeun tos ti'is.
Abah Yan katingali na keur mikir serius teupikeun teu nyaho aya uwak Dede datang.
Wak Dede : Assalamualaikum, damang bah, keur naon meuni ngalamun kitu jiga aya nu diemutan.
Abah Yan : Waalaikumussalam, eh wak Dede sugan teh saha, meuni reuwas. Abah teh keur mikiran alam, maca di media aya longsor di Curug Cilengkrang Desa Pajambon.
Wak Dede : leures bah berita na tos viral. Masyarakat nyalahkeun pengusaha, TNGC ngabantah, pengamat nyalahkeun Pemda, jiga na tos ruksak alam teh bah.
Abah Yan : Ti bareto kuring geus ngomong ka pengamat pengamat lingkungan isuk pa geto eta kawasan puncak Cigugur lamun pembangunan na teu ditertibkeun bakal bawa bencana, tah ayena ka buktian.
Singkat carita abah Yan jadi semangat da aya nu diajak diskusi.
Abah Yan : can lila abah diskusi jeung aktivis lingkungan aya oge wartawan di masjid Al-Hijrah. Abah carita eta aya pembangunan salah sahiji tempat wisata nu keur terus ngembangkeun wisata na, ceuk abah lamun teu dibatasi jeung diawasi Pemda bakal cilaka ka lembur dihandap na, nyaeta Desa Pajambon. He.. he..he.. (abah Yan seuri bari nyuruput kopi) ayena ka buktian.
Ngadadak abah Yan bahasana jiga teknokrat. Yeuh kawasan puncak Cigugur teh lamun ninggali tina Tata Ruang na secara umum asup kawasan konservasi jeung daerah resapan air nu ngalayanan Kecamatan Cigugur, Kadu Gede, Jalaksana sareng Kuningan. Kacipta bahaya na lamun kawasan puncak eta ka tutup kabeh ku bangunan tempat wisata. Hiji dampak na ku urang dirasakeun ayena loba masyarakat sakitar nu ngeluh masalah cai, bareto mah eweuh nu kitu teh. Ka dua dampak nu leuwih bahaya nya eta longsor pan leuweung tatangkalan na beak dibabat. Jadi abah mah teu reuwas lamun ayena aya longsor di Desa Pajambon teh.
Wak Dede : lamun kitu kumaha solusi na bah.
Abah Yan : Jiah naha nanya ka uing da kuring mah jalma bodo, he..he..he (si abah seuri bari ngudut).
Wak Dede : lain kitu bah, abah pan geus pangalaman da geus ngalaman ngora, ha..ha.. (tembal wak Dede)
Abah Yan : ayena teh jadi dilema Pemda, hiji sisi perlu investasi disektor pariwisata, hiji sisi loba kolusi pejabat nu matak kawasan puncak jiga kitu teh.
Wak Dede : naon deui solusi na bah.
Abah Yan : abah mah teu anti investor rek ngabangun naon bae di Kuningan mangga, atoh nu aya jadi ka hareup bisa nyerap tenaga kerja. Cuma pembangunan na kudu pas di zona peruntukan na ulah sawah dibangun industri, koefisen bangunan kudu diperhatikeun pan aya aturan na. Peratuarn nu dijadikeun pedoman keur pembangunan nu ngagunakeun lahan, nya eta diantara na Rencana Umum Tata Ruang Wilayah Kabupaten Kuningan (RUTRW) nu geus jadi Perda, aya oge peraturan dihandap na nya eta Rencana Umum Tata Ruang Kota masing-masing kecamatan (RUTRK). Gunakeun kabeh peraturan eta keur ngaluarkeun ijin-ijin sesuai peruntukan na. Pemda Kuningan kudu tegak lurus tur tegas ngajalankeun perda nu geus dijieun. Transparankeun info tata ruang, jieun peta digital zona-zona peruntukan lahan diunggal kecamatan, simpen di kantor perijinan jentrengkeun ngarah katempo mayarakat jadi lamun aya investor atawa masayarakat nu rek ngabangun gampang ningali na mana nu sesuai jeung pamaksadan na. Abah mah loba harapan ka bupati nu ayena bisa negakeun peraturan tata ruang, lamun ayan nu salah pembangunan wisata nu di puncak geuwat benerkeun, perketat ijin pembangunan wisata di lahan tilas rehabilitasi narkoba BNN da eta mah lahan konservasi resapan air ulah teupikeun jadi bangunan bangunan nu bakal ngahalangan cai abus ka taneh. Pepejeuh ka pemda awasi pembangunan wisata di daerah puncak ulah teupikeun aya banjir bandang diwilayah Kecamatan Cigugur, Jalaksana jeung Kuningan.
Wak Dede : wih !!! naha abah jadi kritis kieu.
Abah Yan : jadi warga masyarakat teh kudu cerdas, kritis komo lamun bisa mere solusi. Ulah saukur protes jeung protes bae tapi teu mere solusi, nu kitu mah sarua wae jeng "Bangkong Hayang Kejo".
Geur eta jalma duan seuseurian, ha..ha..ha cakakak jiga bangkong lapar.
Wak Dede : geus lah bah ulah mikiran bae nu kitu mendingan ayena mah urang mancing.
Abah Yan : hayu atuh deurkeun mumpung si ambu keur ka pasar, urang rek nyokot heula jeujeur na,
Akhir na si abah jeung wak dede indit mancing ka walungan nu teu ngajamin meunang teu na, da walungan ayena mah geus loba tercemar limbah sampah jeung sajabana jadi ngarubah ekosistem lingkungan cai walungan.
Carita Sunda si Abah
Penulis Yanyan Anugraha
